sábado, fevereiro 05, 2011

VAGA SERVISU – FORUM ONG TIMOR LESTE (FONGTIL) - DIA 4 DE FEVREIRU 2011

Forum ONG Timor Leste (FONGTIL) nudar organizasaun sumrbinha nebe halibur ONG Lokal, Nasional no Internasional nebe mak serbisu iha Timor Leste, agora dadaun ne’e buka hela ema Timor oan nain 4 (haat) atu Servisu iha Sekretariado FONGTIL ho pozisaun hanesan :

  1. Program Manager
  2. Media Officer
  3. Funsionariu Ligasaun Orgaun Soberano
  4. Project Officer Amenda Statuta (Short term - Fevreiru-Maiu 2011)

I. Program Manager, Knaar no Responsalbilidade :

1.(MANAGING) Asegura implementasaun FONGTIL-nia programa tuir MPP 2010-2012.

1.1 Servisu nuudar membru Tim Management Sekretariadu FONGTIL

1.2 Iha responsabilidade ba servisu Divizaun Program tolu (3): Advokasia, Membership Services Team, no mos District Liaison Officers

1.3 Responsible atu halo review ba programa-sira fulan-fulan, kada fulan tolu, no mos organisa avaliasaun (internal) annual.

1.4 Responsabilidade atu halo planu servisu bazeia review programa kada fulan, quarter no annual.

1.5 Halo regular monitoring visita ba distritu.

1.6 Hamutuk ho Management Team, halo avaliasaun ba staff-sira nia performance kada fulan ne’en.

1.7 Hamutuk ho Management Team, organiza no fasilita Avaliasaun External (tinan tolu)

2.(REPORTING) Hamutuk ho Management Team, asegura relatoriu nebe diak fo ba parseiru-sira no membrus ONG iha tempu nia laran. (timely reports are delivered)

2.1 Halo konsolidasaun relatoriu hosi rezultado implementasaun ba programa kada fulan ne’en.

2.2 Halo relatoriu annual ba membrus ONG tinan – tinan (AGM).

2.3 Halo regular program updates ba membrus ONG atu asegura partisipasaun nebe aktivu ba membru-sira.

3.(RESOURCING) Asegura hetan fundus ba implementasaun FONGTIL-nia programa.

3.1 Hamutuk ho ED, halo proposta atu asegura fundus.

3.2 Hamutuk ho coordinador, halo proposta nebe relevante atu haforsa programa.

3.3 Buka dalan atu asegura fundus ba programa annual.

4.(DIRECTING) Fo diresaun ba programa Divizaun tolu: Advokasia, Membership Services (MST), no District Liaison Officers (DLOs), sei asegura kualidade ba implementasaun programa no atu hetan rezultado lisaun hosi implementasaun.

4.1 ADVOCACY (hamutuk ho Coordinador)

4.1.1 Asegura partisipasaun FONGTIL staff no membrus ONG iha enkontru nasional no local nebe ativu no efektivu.

4.1.2 Asegura relasaun ho rede seluk no parseiru-sira nebe forte.

4.1.3 Asegura kualidade Estratejia ba komunicasaun external (ba media, parseiru-doador, governu national no lokal, Komunidade, nsst.) nebe diak.

4.2 MST (hamutuk ho Coordinador)

4.2.1 Asegura kuwalidade IT no CB Trainings (nebe efektivu no efisiente)

4.2.2 Asegura membru-sira nia necesidade, FONGTIL bele responde/fasilita.

4.3 DLO (hamutuk ho Coordinador)

4.3.1 Asegura partisipasaun ba membru-sira iha distritu lokal iha Programa National (NDMP, NP6 no Monitorizasaun PDL,PDS, PDD,) nebe ativu no efektivu.

4.3.2 Asegura membru-sira iha distritu iha partisipasaun ba proseso dezenvolvementu liu hosi regular konsultasaun.

4.3.3 Asegura fasilitasaun nebe diak ba membru-sira atu sira bele aseso ba fundus Sosiedade Sivil.

5.(DEVELOPING) Asegura kualidade iha rekursu material (manual, matadalan, sistema) nebe relevante

5.1 Hamutuk ho consultant/advisor/technical expert, dezenvolve Manual PMER (Planning, Monitoring, Evaluation & Reporting)

5.2 Hamutuk ho consultant/advisor/technical expert no staff nebe relevante, dezenvolve ba Communications Strategy

5.3 Hamutuk ho consultant/advisor/technical expert no staff nebe relevante, dezenvolve ba CB Training Manuals (Program Development, Donor Relations, Advocacy, Social Audit, Media Relations and Conflict Resolution, Small Business/Fund Raising)

5.4 Hamutuk ho consultant/advisor/technical expert no staff nebe relevante, dezenvolve sistema Biblioteka (Resource Center).

6.(NETWORKING) Asegura ligasaun ba parseiru-sira nebe forte.

6.1 Halo diskusaun regular ho parseiru-sira.

6.2 Partisipa encontru international, national no local nebe importante/relevante atu asegura perspektiva ONG ba isu-isu.

6.3 Buka dalan atu asegura ligasaun ba parseiru-sira nebe forte.

Espesifikasaun Program Manager:

1. Iha skill/koinesememto diak iha gestaun rekurso humano no proseso dezenvolvimento organizasaun.

2. Minimal iha esperiensa serbisu tinan tolu (3) ho papel nudar gestaun, inklui esperensia iha ONG ruma ka organizasaun doador.

3. Abilidade atu fo serbisu ho maneira ida partisipativo ho tim.

4. Abilidade atu halo Planning, Mentoring & Evaluation (PME).

5. Abilidade atu fo treinamento serbisu no mentoring.

6. Hatene koalia no hakerek lian Inglesh ho diak

7. Edukasaun formal minimo escola secundario.

II. Media Officer, Knar no Responsabilidade :

1. Haforsa no hametin linha komunikasaun ho media iha Nasional

2. Distribui update lista ba media kontak ba membrus hotu kada tinan.

3. Kria informasaun/rekursu ba documentus nebe sai hanesan issu nebe relevante ba membrus.

4. Publika Lian FONGTIL kada fulan rua dala ida kona ba aktividades FONGTIL no Membros ONG

5. Publika Lian FONGTIL kada fulan hat dala ida kona ba rezultado Monitorizasaun implementasaun PDD, PDL no PDS

6. Fasilita membrus iha distritu atu fahe informasaun ho media local

7. Halo kobertura iha Nasional no distritu konaba aktividade membru ONG no Secretariadu nian hodi publika iha Bulletin FONGTIL

8. Publika artikel kona ba papel ONG iha Lian FONGTIL no media sira seluk

9. Halo monitoring no evaluasaun ba Le’e Nain Lian FONGTIL konaba informasaun nia impaktu ba sira organizasaun.

10. Servisu nudar Team iha FONGTIL ho implementa planu Servisu no halo relatoriu ba Koordenador Avokasia.

Espesifikasaun Media Officer :

1. Ema ne’e tenki iha koinesementu diak ba Media

2. Bele halo reportagen, hakerek, design no halo Layout ba aktividades Sekretariado FONGTIL no Membru ONGs.

3. Esperiensia servisu iha area Media Minimum tinan 1

4. Bele koalia no hakerek iha lian Tetum nebe diak no bele hakerek lian Inglesh ( Diak liu tan )

5. Iha konhesementu no bele halo analiza nebe diak hodi koresponde ba issue nebe ONG sira foti

6. Bele servisu Team ho diak

7. Bele halo viagem ba Distrito

8. Prioridade liu ba candidato Feto

9. Bele lori motrizada no iha karta kondusaun

10. Edukasaun formal minimo escola secundario.

III. Funsionariu Ligasaun Orgaun Soberano, Knar no Responsabilidade :

1. Hametin Relasaun forte entre Board, ED FONGTIL ho Governo no Stakeholder seluk (UN, Doadores, etc):

a. Loby no fasilita koperasaun neebe diak ho Guverno, Presidencia, Tribunal Recurso, Parlamento Nasional atu hetan asesu informasaun konaba projecto esbosu lei sira no dokumentus jeral seluk tan, no mos situasaun emergensia humanitarian nian

b. Fasilita sorumutu ‘ad hoc’ no konsultasaun (Citizen Charter, Delegasaun ba Komisaun Nasional hanesan: KKFP, EITI, Prioridade Nasional, Formasaun Judisiariu Komisaun Konsultivu ba direitu labarik, Steering committee, etc). Hodi halo update progessio servisu nebe mak sira partisipa ba membru ONG.

c. Fasilita Sorumutuk Regular entre ONG no orgaun soberano, Agensia Internasional, Doadores inklui Corpu Diplimatiku.

d. Servisu nudar membru tim Advokasia inklui halo no implementa planu no halo relatoriu ba Koordenador Avokasia.

2. Lei Organizasaun Non Profit nebe inklui mos ONGs

a. Organiza no fasilita Sorumutu entre ONG ho Ministru da Justica konaba FONGTIL nia draft Amandementu ba Decrito Lei 05/2005

b. Lobby ho Ministra Justica, Primeiro Ministro no Parlamentu

c. Halao follow up ba Lei no. 05/2005 ne’ebe regular ho Ministerio Justica

d. Fasilita membro ONG partisipa iha audensia publica kona ba projecto de lei sira nebe parlamento prepara

e. Fasilita workshop ou treinamentu ba membru WG amandement Dekreto Lei no. 05/2005 konaba strategia advokasia.

f. Lei Organizasaun Non Profit nebe inklui mos ONGs.

3. Servisu nudar membru tim Advokasia inklui halo no implementa planu Servisu no halo relatoriu ba Koordenador Avokasia.

Espesifikasaun Funsionariu Ligasaun Orgaun Soberano :

1. Ema ne’e tenki iha koinesementu diak iha area Advocasia (Ligasaun Entre ONGs ho Orgaun Soberano)

2. Iha koinesementu diak no bele halo analiza nebe diak ba Lei no Desizaun Politik nebe produse husi Governo/Parlamento Nasional

3. Esperiensia servisu iha area Advocasia Minimum tinan 1 (ho Referensia)

4. Bele servisu Team ho diak

5. Hatene uja programa Komputador Word, Excel & Internet

6. Bele Kompriende & koalia e hakerek iha lian Inglesh & Portuguese ( Diak liu tan )

7. Educasaun Minimo Lisensatura Iha Area Direito/ Area relevante ho pozisaun refere

8. Bele halo viagem ba Distrito

9. Bele lori Motorizada no iha karta kondusaun

10. Candidato Feto nebe iha capasidade sei hetan oportunidade bot liu.

IV. Project Officer Amenda Statuta (Short term- Fev-Maiu 2011), Knar no Responsabilidade :

1. Halo draft ba amandament Statuta FONGTIL baseia rekomendasaun Evaluasaun External’2009 no konsultasaun Distrito 2010.

2. Halo aprezentasaun no mos konsultasaun ho Working Group ba draft amandament Statuta FONGTIL

3. Hamutuk ho Working Group Amandament Statuta halo konsultasaun ba Membru ONGs iha Distrito

4. Harmoniza resultado konsultasaun distrito no aprezenta fali ba Working Group Statuta antes ba Enkontru Jeral ’2011

5. Akompanha Board FONGTIL aprezenta draft amandament Statuta FONGTIL ba Membru ONGs iha Enkontru Jeral ’2011

6. Finaliza esbosu amandamentu Statuta no mos kompleta relatoriu final inklui konsiderasaun husi outcomes iha Enkontru Jeral.

7. Mekanismu Relatoriu: Funsionariu Projetu sei resposavel ba Board FONGTIL liu husi Ekipa Servisu Amandamentu Statuta. Lo-loron pozisaun ne’e sei halo relatoriu ba Direitora Ezekutiva FONGTIL liu husi Manager Administrasaun. Membrus Ekipa Servisu (inklui Asesor Internasional sira) no mos staff sira seluk sei mos fo tulun ba prosesu ne’e.

Espesifikasaun Project Officer Amenda Statuta :

1. Edukasaun Minimo Lisensatura Iha Area Direito/ Institusaun Superior iha Area relevante ho pozisaun refere

2. Estudu, treinamentu ka esperiensa servisu mak inklui konyesimentu no mos esperiensa konaba asuntu legal.

3. Esperiensa servisu ho susesu pelo menus tinan tolu iha sector Governu ka Nao-Governu.

4. Konyesimentu no esperiensa klean konaba organizasaun sosiedade sivil, inklui konaba Konstitusaun (Statuta) no mos relasaun entre Board, Team Management no Organizasaun nebe mak iha membru hanesan REDE

5. Esperensia ho susesu iha ambiente servisu hamtuk ho Ekipa Servisu /Steering Committee

6. Kapasidade ne’ebe a’as konaba oinsa bele prosesu informasaun hakerek/lee no koalia/rona, hakerek relatoriu, halao dokumentus formal, no koalia no mos halo aprezentasaun publiku.

7. Kapasidade konsultasaun ne’ebe a’as konaba oinsa bele halo negosiasaun ho jerente, kolegas servisu no mos stakeholders seluk.

8. Hatene uza komputador ho programa hanesan Word Processing, Spreadsheet (Exel) no Internet.

9. Abilidade hodi servisu ho partisipasaun inklui hanesan parte ekipa.

10. Abilidade hodi servisu badinas no mos independente.

11. Kapsidade diak hodi koalia no hakerek iha lian Ingles no mos lian Tetum.

Detalhu ba Aplikasaun hotu:

Ba maluk sira nebe mak iha kualifikasaun, esperiensa no mos abilidade relevante ba posizaun iha leten , no hakarak/interese ba posisaun refere, halo favor hili posizaun ida deit/aplikante :

  1. Hakerek no hatama Curriculum Vitae no Karta Aplikasaun iha lian Tetum (Inglesh diak liu tan)
  2. Karta aplikasaun, hakerek klaru posizaun ne’ebe mak aplikante hakarak hili (hanesan Program Manager, Media Officer, Funsionariu Ligasaun Orgaun Soberano ka Statue Project Officer), inklui mos kualifikasaun, esperiensa no mos abilidade relevante ba posizaun.
  3. Hatama aplikasaun ba sekretariado FONGTIL iha Dalan Cai-Coli Dili (Joao Freitas, telemovel: 7236782) ka Email : freitas_nono@yahoo.com /forumngo.tls@gmail.com / Tempo hatama apliksaun husi loron hasai vaga ne’e to’o 11 Fevereiro 2011 (4 pm)
  4. Ba kandidato aplikantes nebe mak priense criteria mak bele tuir intervista inklui ejame iskrita ho data tentava iha dia 15 Fevreiro’2011
  5. Sekretariado FONGTIL sei la fo fali ita bot sira nia dokumentos karik la liu selesaun CV, Intrevista inklui ejame eskrita.
  6. Persija informasaun detalha halo favor kontakto Edificio FONGTIL, Caicoli, Dili, Timor Leste, ho no Tlp. 723 6782 / 3321005.

FONGTIL fo enkoragem ba maluk feto sira atu aplika ba vaga ne’e.

Nenhum comentário: